Allattoqarfik

Kalaallit Nunaanni Timersoqatigiit Kattuffiata (GIF) allattoqarfia ulluinnarni ingerlatsinermut akisussaavoq aammalu siulersuisut, immikkut ittumik kattuffiit kiisalu Kalaallit Nunaanni tamakkerlugu timersornermik ingerlatsisut tapersersortarlugit.

Allattoqarfik aaqqissuussaanermik, siunnersuinermik, suliniutinik aqutsinermik, aningaasaqarnermik attaveqaqatigiinnermillu suliaqartarpoq kiisalu politikkikkut aalajangiinerit, periusissiat timersornerullu ineriartortinneqarnissaa akornanni ataqatigiissitsisuulluni.