Ataatsimeersuarneq

Kikkuuppat Ataatsimeersuarnermi sinniisuutitat?

Sinniisuutitat Ataatsimeersuarnerat ima inuttaqarpoq:

• Immikkut ittumik kattuffiit (specialforbundit) qulingiluat tamarmik sinniisuunik pingasunik (3) aallartitaqarput.
• GIF-ip siulersuisuisa ilaasortai tallimat (5) aamma peqataapput.

Tamarmik katillugit 32-nik sinniisuutitaqarpoq.

Kattuffik ataaseq qanoq amerlatigisunik taasititsisinnaava, aammalu kina peqataasinnaava?

Immikkut ittumik kattuffik (specialforbund) ataaseq sinniisuunik pingasunik (3) taasinissamut pisinnaatitaasunik aallartitaqarpoq.

Sinniisuutitat Ataatsimeersuarnerat ukiumut ataasiarluni ingerlanneqartarpoq, nalinginnaasumik oktoberimi imaluunniit novemberimi.

Ataatsimeersuarnerup ingerlanerani:

• Inatsisinik allannguutissatut siunnersuutit saqqummiunneqartarput.
• Ukiumoortumik naatsorsuutit akuersissutigineqartarput.
• GIF-ip siulersuisuinut qinersisoqartarpoq.
• Missingersuutit oqaluuserineqarlutillu akuersissutigineqartarput.

Sinniisuutitat Ataatsimeersuarnerat tassaavoq timersornerup iluani inatsisinik nutaanik akuersisartoq, GIF-ip siulersuisuinik qinersisartoq kiisalu kattuffiup naatsorsuutaanik missingersuutaanillu suliarinnittartoq.

Sinniisuutitat Ataatsimeersuarnerat tusagassiortunit kiisalu kikkunnit tamanit peqataarusuttunit ammasumik peqataaffigineqarsinnaavoq.

Ataatsimiinnerni imaqarniliat

Quppikkami matumani nanisinnaavatit Sinniisuutitat Ataatsimeersuarnerisa kingullermik ingerlanneqarsimasut imaqarniliai.