Nunat tamaalaanut ingerlataqarnermut aningaasaateqarfik

Nunani tamalaani ingerlataqarnermut aningaasaliissutit – suna imaqarpa?

Nunani tamalaani ingerlataqarnermut aningaasaliissutit Kalaallit Nunaanni nunani tamalaani timersornermik aaqqissuussinerit ineriartortinnerinut ingerlannerinullu aningaasaqarnikkut tapersiinermik aammalu suliamut tunngasunik siunnersuinermik neqerooruteqarput.

Aningaasaliissutit siunertaraat timersornikkut misigisassanik pitsaanerpaanik pilersitsineq, timersornerup takussaaneranik annertusitsineq, takornariartitsinermik inuussutissarsiornermillu tapersersuineq kiisalu Kalaallit Nunaata nunani tamalaani timersornikkut aaqqissuussinernut orniginartumik nunatut ilisarisimaneqarneranik nukittorsaaneq.

Aningaasaliissutit qinnuteqaatigisinnaavaat Kalaallit Nunaanni Timersoqatigiit Kattuffiata ataani immikkut kattuffiit kiisalu timersoqatigiiffiit. Aningaasaliissutit makkununnga atorneqarsinnaapput:

• Nunani tamalaani qaffasissumik unammisartut peqataaffigisaannik timersornerup iluani aaqqissuussinerit
• Inunnut amerlanernut sammisunik timersornermik aaqqissuussinerit annertuut
• Timersornermut tunngasunik kongressertitsinerit
• Nunani tamalaani suliniutinut allaffissornikkut tapersiinerit, soorlu ataatsimiinnerit, isumasioqatigiissitsinerit kattuffinnillu ataatsimeersuarnissat Kalaallit Nunaanni avataani ingerlanneqartut

Tapersiissutit tunniunneqarsinnaapput:

• Qaaqqusilluni aaqqissuussinissamut tapiissutitut
• Aaqqissuussinerup ingerlanneqarneranut tapiissutitut
• Amigartooruteqarnissamik qularnaveeqqusiissutitut
• Misissuinernut pilersaarusiornermullu aningaasartuutitut

Tamakku aaqqissuussinerup suussusaa pisariaqartitaalu tunngavigalugit nalilersorneqassapput.

Qinuteqarnissamut immersuivik