Søg
Kalaallit Nunaanni Timersoqatigiit Kattuffiat ukiumut tamaasa kattuffinnut ingerlatsinermut tapiissutit agguataartarpai, siunertaralugu Kalaallit Nunaanni tamarmi timersornerup ersarissumik, patajaatsumik ineriartortumillu ingerlanneqarnissaa.
2026-imi katillugit 18,5 mio. kr. kattuffinnut agguataarneqassapput. Aningaasat tapiissutinut tunngaviusunut, sammisaqartitsinermut tunngassutilinnut kiisalu periusissiatigut tapersiissutinut tunngavigisamik agguaanneqartassapput.
Aningaasat agguaanneqarneranni modeli atorneqartoq oqimaaqatigiissumik tunngaveqarpoq, tassani angissusaat, sulinerup annertussusaa kiisalu ineriartortitsinissamut pisariaqartitat eqqarsaatigineqarlutik.
Modeli immikkoortunut pingasunut imatut agguataarneqarpoq:
Kattuffiit tamarmik aalajangersimasumik tunngaviusumik tapiissummik pissarsisarput, ingerlatsinermut allaffissornermullu patajaatsumik tunngavissaqarnissaat qulakkeerniarlugu.
Aningaasat ilaat tunngavigalugit agguaanneqartarput:
Tamanna qulakkeertarpaa kattuffiit sammisaqarnerusut ilaasortaqarnermillu annertunerusut aningaasat amerlanerusut pissarsiarisassagaat.
Immikkut aningaasaliissut atorneqartarpoq timersornerup iluani periusissiatigut salliutitsineq aammalu ineriartortitsilluni suliniutit tapersersorniarlugit, ilaatigut:
Agguaassinermut atortoq uku tapersersussavai:
Aammattaaq periuseq qulakkeertarpaa specialforbundit angisuut mikisullu tamarmik ineriartortitsinissamut periarfissaqarnissaat.
Aningaasat agguataarneqartarput aalajangersimasumik periuseq aammalu ilaasortanut, peqatigiiffinnut sammisanullu tunngatillugu paasissutissat uppernarsarneqarsimasut tunngavigalugit.
Tapiissutit ukiup ingerlanerani arlaleriarlugit tunniunneqartarput, tamatumalu kingorna nalunaarusiorneq naatsorsuusiornerlu aqqutigalugit malinnaaffigineqartarlutik.
Agguaassinermi atortoq Kalaallit Nunaanni timersornerup ineriartortinneqarnerani pingaarutilimmik inissisimavoq.
Ullumikkut ingerlatsinerup patajaatsuunissaa qulakkiissavaa, peqatigalugulu aqagu ineriartortitsinissamut periarfissat pilersillugit, kattuffiit qanimut suleqatigalugit.
