Søg
Aalasa tassaavoq Kalaallit Nunaanni Timersoqatigiit Kattuffiata (GIF) takorluugaa, Kalaallit Nunaata aalalluartup, peqqissuusup kiisalu ataatsimoorfiusup pilersinnissaanut tunngasoq.
Aalasa isumaqarpoq aalatitsilernissaq imaluunniit aalatitseqatigiinneq. Taannalu tassaavoq timersoqatigiiffiit, kajumissutsimik suliallit, kommunit aamma suleqatit peqatigalugit ataatsimoorluta suliarisarput.
Anguniagarput ersarippoq:
Kalaallit Nunaat nunarsuarmi innuttaasut timikkut amerlanerpaanik aalatitsisartut akornanni siuttunngussaaq.
Timersorneq aalasarnerlu nuannaarnerup, atugarissaarnerup kiisalu ataatsimoorfiit nukittuut pilersinneqarnissaannut pingaaruteqarluinnarput. Taamaattumik sulissutigaarput kikkut tamarmik, ukiui, najugaqarfiat imaluunniit periarfissai apeqqutaatinnagit, timikkut aalallutik peqataasinnaanissaat aammalu timersornikkut ataatsimoorfiit peqataaffigisinnaanissaat.
Aalasa tassaavoq ataatsimoorullugu suliniut, timersorneq suleqatigiinnikkut, piginnaasanik ineriartortitsinikkut aammalu suleqatigiinnikkut nukittorsarneqartoq. Tassuuna aalaneq inuit ulluinnarni inuuneranni nalinginnaasumik ilaatinneqarnissaa inuunerullu ingerlanerani tamarmi atuunnissaa sulissutigineqarpoq.
Ataatsimoorluta aalagaangatta, allannguisinnaavugut.
