Søg
Takorluugaq, Kalaallit Nunaat nunarsuarmi innuttaasut timikkut aalannerpaaffigisaattut nunanngussasoq, piviusunngortinniarlugu Kalaallit Nunaanni Timersoqatigiit Kattuffiat (GIF) 2024-miit 2027-mut periusissiaqarfimmi ukkatarisanik sisamanik imminnut attuumassutilinnik suliaqarpoq. Tamakku ataatsimut isigalugu timersornikkut ataatsimoornermik, atugarissaarnerup aammalu nunami tamarmi aalatitsinerup nukittorsarneqarnissaat qulakkeerniarlugu suliaapput.
Periusissiap tullia kingullerlu 2028-miit 2030-mut ingerlassaaq, taassumalu imarisassai 2027-mi timersornermut ataatsimeersuarnermi suleqatigisat attuumassuteqartut peqatigalugit oqallisigineqassapput.
Sulissutigaarput meeqqat, inuusuttut inersimasullu amerlanerusut timikkut aalallualernissaat aammalu aalasarnerup ataatsimoornerullu nuannersuutaanik misigisaqarnissaat, Kalaallit Nunaanni sumiikkaluarunilluunniit.
Ukkatarisaq tassaavoq peqataasinnaanermut periarfissat ammasut pilersinnissaat aammalu timersornerup ulluinnarni inuunermut qaninnerusunngortinnissaa.
Suliniutit uku ilaatigut aqqutigalugit:
paasisitsiniaanerit siaruartut aammalu peqataariuminartunik neqeroorutit pilersippagut, amerlanerusut aalalersinnaaqqullugit aammalu ataatsimoornermut peqataaqqullugit.
Timersoqatigiiffiit nukittuut timersornikkut ingerlatsiviit nukittuut tunngaviannik pilersitsisarput. Taamaattumik timersoqatigiiffiit pitsaassusaasa ineriartortinnissaat kiisalu avatangiisit toqqissisimanartut, peqataatitsisut aammalu meeqqanut inuusuttunullu pitsaasut pilersinnissaat immikkut sulissutigaarput.
Ukkatarisaq ilaatigut imaqarpoq:
Tassani ilaatigut siunertaraarput meeqqat pillugit isiginnittaaseq, pisinnaatitaaffiit aammalu peqataatitsineq nukittorsassallugit, sungiusaasut aqutsisullu ilinniartinnerisigut kiisalu ilinniarnermut atortorissaarutit digitaliusut atorlugit.
Tamatuma saniatigut kajumissutsimik suliaqartut, piginnaasanik ineriartortitsineq aammalu inatsisitigut sinaakkutit ersarissut aqqutigalugit timersoqatigiiffiit pitsaanerusumik periarfissinneqassapput ilaasortanik kajumissutsimillu suliaqartunik pilerisaarinissamut, attassiinnarnissamut ineriartortitsinissamullu.
Kalaallit Nunaanni Timersoqatigiit Kattuffiat kommuninut aammalu nunami namminermi suleqatinut pingaarutilinnut suleqataavoq. Timersorneq, aalasaqarneq aammalu atortulersuutit pillugit suliani ilisimasatigut, ingerlatsinermik ikiuinikkut aammalu suliniutinik ineriartortitsinikkut tapersersuisarpugut.
Qanimut suleqatigiinnerit uku aqqutigalugit:
nunami tamarmi suliniutit ataqatigiissut tapersersorpagut, nunaqarfinnit aallartillugit nunamut tamarmut aammalu nunanut allanut attaveqartumik timersornikkut suliniutinut ilanngullugit.
Anguniagarput tassaavoq piujuartitsinermik aallaaveqartunik aaqqiissutinik pilersitsinissaq, najukkani pisariaqartitat eqqarsaatigalugit aammalu Kalaallit Nunaanni timersornerup ataatsimut nukittorsarnissaa.
Tamatuma saniatigut aamma ineriartortipparput:
taannalu meeqqat amerlanerusut atuarnerup nalaani imaluunniit kingorna aalallualernissaannut tapersiissutaavoq.
Sivisuumik ineriartortitsineq ilisimasanik tunngavilinnik pisariaqartitsivoq. Taamaattumik paasissutissanik katersuineq, nalilersuineq aammalu misissuinernik ingerlatsineq aaqqissuussaasumik ingerlataraarput, suliniutit aalajangiinerillu Kalaallit Nunaanni pissutsinut tulluartunik ilisimasanik tunngaveqarnissaat qulakkeerniarlugu.
Paasissutissanik katersuineq pillugu ataatsimut malitassat pilersippagut, ilisimasanik avitseqatigiiffissamik pilersitsilluta aammalu kommunit ilisimatusarfiillu suleqatigalugit.
Ilaatigut misissueqqissaarnerit aamma saqqummersitat sammisat uku pillugit suliaraagut:
Paasissutissat, misissueqqissaarnerit, paasinninneq iliuuserisallu akornanni ataqatigiissaarineq ersarissoq aqqutigalugu ilisimasat innersuussutinut aaqqiissutinullu atorneqarsinnaasunut allanngortittarpagut.
