Søg
Timersoqatigiiffiit kajumissutsimik sulisunik aqutsisunillu pisariaqartitsiuartarput. Matumani kajumissutsimik suliaqarnermut atatillugu isumassarsisinnaavutit aammalu sulisut nutaat qanoq pissarsiarineqarsinnaanersut pillugit siunnersuuteqarluni.
Eqqarsaatitit utertitseriarlugit eqqaamaniaruk nammineq siullerpaamik timersoqatigiiffimmi kajumissutsimik peqataaleravit qanoq pissuteqarnersutit. Suna kajumissutsinniutigiviuk?
Pissutissat taakku sisamat, tassa pisariaqartitsineq, sunniuteqarsinnaaneq, nammineq ineriartorneq aammalu inooqatigiinnermi attaveqaatit, tamarmik pitsaasuupput. Kisianni amerlanerpaat eqqarsaatigalugit aallaaviusarpoq attaveqaatit pitsaasut.
Inuit akornanni ilisarisimasaqarneq attaveqaqatigiinnerlu pitsaasuuppata aatsaat kajumissutsimik sulisussanik naleqquttunik pissarsisoqarsinnaavoq.
Kajumissutsimik sulisut timersoqatigiiffinni pingaaruteqarluinnarlutik taarserneqarsinnaanngillat. Taamaattumik pingaaruteqarpoq timersoqatigiiffiup isumaliuutigissagaa kina qanoq iliorluni kajumissutsimik suleqataalersinneqassanersoq.
Qujanartumilli timersoqatigiiffiit sakkussanik assigiinngitsunik amerlasuunik periarfissaqarput, kajumissutsimik suliaqarnermik:
Tamanna anguneqarsinnaavoq siulersuisut ukkatarinninnerisigut aammalu siunertaqarluartumik suliaqarnermikkut. Kajumissutsimik suliaqarnermut avatangiisit pitsaasut pilersikkaanni, inuit amerlanerusut peqataarusulerlutik inuiaqatigiinnilu ataatsimoorneq nukittorsarneqarsinnaavoq.
Kina? Qassit? Qaqugu? Qanoq? Timersoqatigiiffissinnut aqutsisunik, sungiusaasunik, ilinniartitsisunik ikiortinillu amerlanerusunik pilerisaarineq pikkoriffigineruleruk, kajumissutsimik sulisunik pissarsiniarnerup ingerlarnganut ersarissumik periusissiaqarnikkut.
Timersoqatigiiffiit amerlanerpaartaat soorunami suliassaqarfimmik pingaarnertut ukkatarinnittarput, soorlu timigissarneq, arsarneq, timigissaatitigut sungiusarneq imaluunniit fitness. Kisiannili aamma pingaaruteqarluinnarpoq kajumissutsimik sulisunik pissarsiniarnissamut pilerisaarinissamullu ukkatarinninneq.
Kajumissutsimik sulisussanik pissarsiniarnermut periusissiaqarnikkut timersoqatigiiffiup aqutsisui suliassat pillugit annertunerusumik ilisimaarinnilersinnaapput aammalu ukkatarinnissinnaallutik, piffissaq tamaat kajumissutsimik sulisut nutaat suliassanik angisuunik mikisunillu isumaginnittussat pigineqarnissaat.
