Søg
Pitsaasumillu siulersuisut qanoq katitigineqartarpat? Matumani tamanna pillugu paasisaqarnerusinnaavutit.
Siulersuisut pitsaasut assigiinngitsunik piginnaasaqartunik ilaasortaqartarput. Assigiinngitsunik suliassaqarneq assigalugit aamma assigiinngitsutigut piginnaasaqartariaqarput. Siulersuisuni ilaasortat tamarmik immikkut pikkoriffeqarlutillu nukittuffeqassapput.
Tamarmik assigimmik piginnaasaqartariaqanngillat, kisianni tamarmik ilisimassavaat timersoqatigiiffiup ilaasortallu suut suliassatut akisussaaffigisassatut naatsorsuutiginerai.
Siulersuisuni pitsaasuni ilaasortat ilaat attaveqaqatigiinnermut pikkorittuusarput, alla allaffissornermut, pingajuat attaveqaasersuinermut (netværk), sisamaallu ilaasortanik kajumissutsimillu sulisunik pissarsiniarnermut. Imaluunnit assingusumik immikkut piginnaasaqartuullutik.
Nalinginnaasumik siulersuisut ilaasortanit tallimanit katitigaasarput, kisianni piviusumi siulersuisut pingasuinnaasinnaapput:
Siulersuisunut ilaasortanngortut nutaat pillugit attaveqaataasussamik immikkut toqqaasarneq iluaqutaasarsinnaavoq. Inuk taanna siunnersuinissamut ikiuinissamullu piareersimasassaaq.
Taamaaliornikkut siulersuisut ersersittarpaat:
Attaveqaataasup aamma ilaasortaq nutaaq ilisimatissinnaavaa ilaasortatut inissisimanermut atatillugu pisussaaffiit naatsorsuutillu pillugit kiisalu timersoqatigiiffinni sulinermut malittarisassat tunngaviusut pillugit ilitsersuullugu.
Siulersuisunut ilaasortanik nutaanik pissarsiniarnermi periutsit nutaat eqqarsaatigineqarnissaat pitsaasuuvoq.
Aamma pingaaruteqarpoq kingoraartaasinnaasunik pilersaarusiorneq, pingaartumik siulersuisuni inissat inuttassarsiuminaattartut eqqarsaatigalugit. Taamaalilluni aqutsinermi ingerlaavartumik nukittuutut ineriartorneq aammalu timersoqatigiiffiup ingerlatsinera qulakkeerneqarsinnaavoq.
Siulersuisut pitsaasut timersoqatigiiffiup ineriartortinneqarneranut, ingerlatsineranut aammalu siunissamut qulakkeerinninnermut tunngaviupput.
