Peqatigiiffissinni suliniutissanik amerlanerusunik, ilaasortanik kajungernarnerulersitsisunik kajumissutsimillu sulisunik amerlanerusunik peqataatitsisunik pilersitsinissaq takorloortarpiuk, imaluunniit peqatigiiffimmi ataatsimoornermik nukittorsaanissaq kissaatigalugu? Taava Aalasa-puljenimut qinnuteqarlusi tamanna piviusunngortinniarlugu aningaasaliiffigineqarsinnaavusi.
Aalasa pulje-a sunaava?
Siunertarivaa:
- Periarfissaq peqatigiiffiit timersornermik ingerlataqartut, Grønlandimi immikkut kattuffeqarnersut kattuffeqannginnersulluunniit apeqqutaatinnagu, timersornermut atatillugu suliniutinut suliniummullu ingerlatsinernut ineriartortitsinernullu taperserneqarsinnaanerat.
- Suliniutit suliniutillu peqataatitsiviusumik ilanngutsitsiviusumillu ataatsimoortitsinernik nukittorsaasut siammarterisullu, taamaalillutik amerlanerusut timersornerup nuannaarutaanik iluaqutaanillu misigisaqartalersinnaallutik.
Pulje-ap isigineqassaaq timersornermik peqatigiiffiit, immikkut kattuffeqarnersut kattuffeqannginnersulluunniit apeqqutaatinnagit, pilersaarutaareersunik suliniutaannut ilassutitut. Tapiissutit tapersersuinissamut atorneqarsinnaapput suliniutinut, najukkami ornittakkanut najukkamilu inuiaqatigiinnut iluaqutaasunut kiisalu timersornermik peqataatitsinerup annertusarnissaanut iluaqutaasunut.
Peqatigiiffiit aammalu kattuffiit Timersoqatigiit Kattuffianut ilaasortat.
Qinnuteqartoqarsinnaavoq ingerlatsinernut pioreersunut nutaanullu, assersuutigalugu:
- Suliniutinik ingerlatsinermut atortunik pisineq.
- Meeqqanut inuusuttunullu peqataatitsiviusumik campit (ass. assammik arsarluni atuarfik, sisorartarfimmi atuarfik, isikkamik arsarluni atuarfik il.il.).
- Ammasumik aaqqissuussinerit aammalu suliniutit allat ilaasortanik nutaanik ilaasortaalersitsinissamik siunertallit.
- Peqatigiiffimmi kajumissutsimik sulinerup nukittorsarnissaanut suliniutit (ilanngullugit kursusit workshopillu/seminarillu).
- Timersuutit akornanni aammalu immikkut kattuffiit akornanni suleqatigiinnerup nukittorsarnissaanut suliniutit (ilanngullugit workshopit/seminarit).
- Timersuutit assigiinngitsut aammalu immikkut kattuffiit akornanni cup-imik unammisitsinerit.
- Kommunip iluani illoqarfiit nunaqarfiillu akornanni cup-imik unammisitsinerit.
- Suliffeqarfinnut unammisitsinerit (ass. suliffeqarfiit akornanni nerrivimmi arsaararluni unammisitsineq).
Qinnuteqartoqarsinnaavoq ingerlatsinernut pioreersunut nutaanullu, maluginiarneqassaarli:
- Aalasa-puljen ingerlatsinernut imaluunniit suliniutinut naammassereersunut, kiisalu Grønlandip avataani ingerlanneqartussanut aningaasartuutinut tapiissuteqarneq ajorpoq.
- Angalanermut najugaqarnermullu aningaasartuutit kiisalu akissarsiat/honorariat matussuserneqarnissaat annikitsuinnarmik tapersersorneqarsinnaavoq.
- Nuna tamakkerlugu pissartanngorniunnerit ingerlanneqarnissaat tapersersorneqartarput.
Aalasa-miit agguaassisassaaq 2025-mi katillugit 1.500.000 kr.-nik.
Qinnuteqarnissamut aningaasat annikinnerpaaffissaat imaluunniit annerpaaffissaat aalajangersarneqanngilaq. Qinnuteqaatit nalilersorneqassapput suliniutit naliliiffigineqarnerat aamma inuiaqatigiinnut pilersitsisinnaanerat tunngavigalugu.
Peqataaffigalugu aningaasaliinissamik imaluunniit nammineq aningaasaliinissamik piumasaqaateqartoqanngilaq.
Qinnuteqaat nalilersorneqareerpat suliarineqareerunilu ima inernilerneqarsinnaavoq:
- tamakkiisumik tapiissuteqarfigineqarsinnaavoq,
- ilaannakortumik tapiissuteqarfigineqarsinnaavoq, imaluunniit
- itigartinneqarsinnaavoq.
Aktivitetspuljenimit tapiissutinik agguaassinermi nalilersuinermi, tapiissutinik agguaassisartut immikkut pingaarnerutillugit makku tunngavigissavaat:
- Aningaasat timersornerup tamanut ammasup (breddetimersorneq) tapersersornissaanut atorneqarnissaat.
- Inuit amerlanerpaat suliniutinit peqataatinneqarlutillu iluaquteqarnissaat.
- Aningaasat ingerlatsinermut assigiinngitsorpassuarnut atorneqarnissaat.
- Aningaasat najukkami, pitsaanerpaamillu aamma nunap immikkoortuini (kommunit killilersuutaasa iluanni) ingerlatsinernik pilersitseqataanissaat.
- Aningaasat ilaasortanik imaluunniit målgruppenik nutaanik peqataatitsilernissaat.
- Aningaasat peqatigiiffiup ineriartorneranut iluaqutaanissaat.
- Peqatigiiffiit kiisalu timersuutit akornanni suleqatigiinnissamik ujarlernissaq.
- Aningaasat timersornermut peqataalernissamut ajornaannerulersitsillutillu ingerlatsinerit pillugit takussutissiinerulernissamut iluaqutaanissaat.
Hver idrætsforening kan få godkendt mere end én ansøgning pr. kalenderår.
- .Immersuiffissaq qinnuteqaammut ataaniittoq immersoruk.
- Missingersuusiornermut skabeloni immersoruk qinnuteqaallu peqatigalugit ilanngullugu nassiullugu. Aamma ilanngussat allat attuumassuteqartut (missingersuutit saniatigut) qinnuteqaammut ilanngunneqarsinnaapput.
Grønlands Idrætsforbundip Aktivitetspulje-a ingerlaavartumik qinnuteqarfigineqarsinnaavoq.
Tapiissutit akuersissutigineqartut tamarmik sapinngisamik piaarnerpaamik, kingusinnerpaamillu peqatigiiffiup qinnuteqaataata akuersissutigineqarsimaneranik uppernarsaanerup kingorna ullut 14-it qaangiutsinnagit tunniunneqarnissaat qinnutigineqartassaaq.
Suliniutip imaluunniit suliniummik ingerlatsinerup naammassereernerani peqatigiiffik naatsorsuutigineqarpoq:
- Naatsorsuusiussasoq imaluunniit allagaatit uppernarsaatit il.il. nassiutissagai.
- Suliniut imaluunniit suliniummik ingerlatsineq tamakkerlugu piviusunngortinneqanngippat, imaluunniit tapiissutinit aningaasat atorneqanngitsoortut sinneruppata, GIF attavigineqassaaq, taamaalilluni aningaasat timersornermik peqatigiiffinnut allanut iluaqutaasinnaaqqullugit, pisariaqarpallu utertinneqaqqullugit. Tapiissutitut aningaasat akuersissutigineqartut qinnuteqaatigineqartumut atorneqassapput, aallaaviatigullu piffissaliunneqartup iluani atorneqareersimassallutik.
- GIF-ip qinnuteqartut kaammattorpai aaqqissuussaminnik saqqummiussisarnissaannut, soorlu social media aqqutigalugit imaluunniit platformit allat atorlugit, peqataasussat amerlanerpaamik peqataatinniarlugit.
- Suliniutip tamanut saqqummiunneqarnerani GIF-ip aqqa aamma Aalasa-logo atorneqassapput.
- GIF-ip kissaatigaa puljemit taperserneqarlutik suliniutit aallartinneqartut allanut isumassarsiaqalersitsisinnaanissaat. Taamaattumik suliniutip naammassinerata kingorna kingusinnerpaamik ullut 14-it qaangiutsinnagit, assit aamma/imaluunniit videut kiisalu aaqqissuussinerup pillugu naatsumik nassuiaat (ilanngullugit peqataasut missiliorlugit amerlassusaat, susoqarsimanera, naatsorsuutinut naapertuunnersoq il.il.) GIF-imut nassiunneqarnissaat qinnutigineqarpoq.
Qinnuteqartussanut innersuussutit
Qinnuteqarnermut atatillugu pingaaruteqarpoq piviusorsiortumik pilersaarusiornissaq aammalu suliniutip sapinngisamik amerlanerpaanut iluaqutaanissaa eqqarsaatigissallugu.
- Missingersuutit sapinngisamik sukumiisumik eqqorluartumillu suliarikkit.
- Qinnuteqaat siunertaqarluarlugu ilusilersoruk, aallaavigalugulu anguniagaq imaluunniit aaqqissugaq/suliniut ataaseq kisiat sammineqassasoq.
- Suliniut najukkami tunngaveqarnissaa qulakkeeruk, aamma peqatigiiffiit timersuutillu allat peqataatinneqarnissaat eqqarsaatigiuk.
- Suliniutip ingerlanerani misilittakkasi avitseqatigiissutigineqarsinnaanerat eqqarsaatigiuk.
Qinnuteqaammut immersuivik
