Søg
Inuuniutiginagu- aammalu ileqqoreqqusanut ataatsimiititaliaq
Kalaallit Nunaanni Timersoqatigiit Kattuffiata inuuniutiginagu- aammalu ileqqoreqqusanut Ataatsimiititaliaa immikkut kattuffiit namminneq amatøri- aamma ileqqoreqqusanut ataatsimiititaliaasa aalajangiinerinik suliaqarnerni maalaarutinik suliaqartarpoq. Tassa imaappoq, immikkut kattuffiup amatøri- aamma ileqqoreqqusanut ataatsimiititaliaata aalajangiinera pillugu pineqartoq maalaaruteqarpat suliaq misissorneqarsinnaavoq. Taamatuttaaq immikkut kattuffeqanngitsut peqatigiiffiit pillugit suliani siullertut oqartussaasutut (1. instans) sullissisarluni, peqatigiiffiit immikkut kattuffeqanngitsut aalajangiinerat pillugu maalaarut tiguneqarsimappat.
Taamaattumik Kalaallit Nunaanni Timersoqatigiit Kattuffiata ilaasortai kisimik amatøri- aamma ileqqoreqqusanut ataatsimiititaliamut suliaq saqqummiussinnaavaat.
Kalaallit Nunaanni Timersoqatigiit Kattuffiata Amatøri- aamma Ileqqoreqqusanut Ataatsimiititaliaa ilaasortanit tallimanit inuttaqartuuvoq, taakkulu sinniisuutitat ataatsimiinneranni qinerneqartarput ukiuni marlunni atuuttussanik. Qinersineq ukiut akunnermik kisitsiseqarfiusut (ulige år) ingerlaneranni pisarpoq, tassani siulittaasoq ataaseq aamma ilaasortat sisamat kiisalu sinniisussat marluk qinerneqartarlutik.
