Søg
Kalaallit Nunaanni Timersoqatigiit Kattuffiat (GIF) Kalaallit Nunaanni tamarmi timersornerup ataatsimoorussamik kattuffigaa. Ilaasortai tassaapput immikkut ittumik kattuffiit (specialforbundit) kiisalu peqatigiiffiit immikkut ittumik kattuffeqanngitsut, taakkulu ataatsimut timersornerup nunatsinni tunngavissaanik pilersitsisuupput. Ilaasortaanerup aaqqissuussaanera qulakkeertarpaa timersuutit pioreersut nutaatullu pilersinneqartut ineriartortinneqarsinnaanerat.
Ullumikkut nalunaarsorneqarsimapput timersoqatigiiffiit 143-t, katillugit ilaasortallit timersortartut 11.496-it.
Immikkut ittumik kattuffiit tassaapput timersuummut aalajangersimasumut Kalaallit Nunaanni aaqqissuussaasumik ingerlatsiviit.
Immikkut ittumik kattuffik:
Taamaattumik immikkut ittumik kattuffiit timersuutip ataasiakkaap aaqqissuussaaneranik, pitsaassusianik ineriartortinneqarneranillu qulakkeerinninnermi pingaarutilimmik inissisimapput. Taakkuttaaq GIF peqatigalugu ineriartortitsinermut isumaqatigiissusiornerit aqqutigalugit timersornermik, piginnaasatigut ineriartortitsinermik peqatigiiffinnilu ingerlatsinermik tapersersuisarput.
Ullumikkut nalunaarsorneqarsimapput immikkut ittumik kattuffiit 9-t, taakkualu ataani timersortartut ilaasortat 10.104-t.
Peqatigiiffiit immikkut ittumik kattuffeqanngitsut GIF-ip ilaasortarisarpai, timersuutaallu suli nunarput tamakkerlugu kattuffittut aaqqissuussaanngikkaluartut.
Taakku tassaasinnaapput:
Peqatigiiffiit taakku periarfissaqarput:
Siunertaavoq ineriartortitsinermut inissaqartitsineq kiisalu timersuutit minnerusut nutaatulluunniit Kalaallit Nunaanni inerikkiartornissaat tapersersorneqassasoq.
Nalunaarsorneqarsimapput peqatigiiffiit 20-t immikkut ittumik kattuffeqanngitsut, taakkunanilu ilaasortat timersortartut 1.392-it.
Immikkut ittumik kattuffiit peqatigiiffiillu immikkut ittumik kattuffeqanngitsut ataatsimut timersornerup iluani suleqatigiinnermut nukittuumut ilaapput, tassanilu:
Kattuffik ulluinnarni ataqatigiissaarisutut inissisimavoq ilaasortanut, kommuninut aammalu suleqatinut allanut.
