Søg
Kalaallit Nunaanni Timersoqatigiit Kattuffiata sungiusaasutut ilinniarneq neqeroorutigaa, tassani peqatigiiffimmi sungiusaanermik pilersaarusiorneq, ingerlatsineq ineriartortitsinerlu pillugit pisariaqartunik piginnaasaqalersitsisoq. Ilinniarneq sulinermi ulluinnarni atorneqarsinnaasunik tunngaveqarpoq, sakkussanik tigussaasunik, eqqarsaatersornermik (refleksion) misilittakkanillu avitseqatigiinnermik imaqarluni, taamaalillutit sungiusaasutut atuuffiit timersortartullu ineriartortinnissaat nukittorsarsinnaavat.
Sungiusaasutut pikkorissarnerit sungiusaasup atuuffia pillugu paasinninnermik aammalu meeqqat, inuusuttut inersimasullu sungiusarnermi pitsaasunik misigisaqarnissaannik pilersitsisinnaanermut ilisimasaqalersitsipput.
Ilaatigut makkua sammineqarput:
Ilinniartitsineq ilinniarnermullu atortut sungiusaasut ulluinnarni nalaattagaat tunngavigalugit suliarineqarsimapput. Taamaalillutit ajornartorsiutinik suliassanillu naliginnaasunik qanoq aaqqiisarnissannut sakkussanik pissarsissaatit.
Immikkoortoq 1 illit sungiusaasutut nutaajuguit imaluunniit annikitsumik misilittagaqaruit tulluuppoq.
Tamatumuuna tunngavissamik pitsaasumik pilersitsillutit ilinniassavat:
Eqqarsaatersorneq nammineq ineriartorneq pingaartinneqarput, taamaalillutit sungiusaasutut nammineq sulininnut maluginninnerulissallutit ineriartornissannullu periarfissaqalerlutit.
Immikkoortoq 2 immikkoortoq 1-ip nanginneratut ingerlanneqarpoq, amerlanerusunillu piginnaasaqalernissamik kissaateqartunut tulluulluni.
Uani sammineqarnerupput:
Qanoq peqataatitsineq, kajumissuseqarneq atugarissaarnerlu pilersinneqarsinnaanersut.
Qanoq anguniakkat, kajumissuseqarneq kulturerlu pillugit sulisoqarsinnaanersoq.
Timip ineriartortarnera aammalu sungiusarnerup tunngaviatigut ilisimasaqarfiginera.
Qanoq ajoqusersinnaaneq pinngitsoortinneqarsinnaanersoq aammalu ajoqusersimatilluni qanoq iliuuseqartoqartarnersoq.
Pikkorissarneq ilinniarnermullu atortut peqataatitsineq, oqaloqatigiinneq kiisalu atorneqarsinnaasut tunngavigalugit ingerlanneqartarput, taamaalillutit ilisimasatit toqqaannartumik sungiusaanermi atorsinnaallugit.
Ilinniarnermi atortut peqataasunut sammillutik ingerlanneqartarput.
Misigisaqarfigissavatit:
Ilinniarneq naammassigukku pissarsiarissavat:
Ilinniarneq iluaqutigalugu sungiusaasutut nukittunerulissaatit, timersortartullu pitsaasunik, toqqissisimanartunik ineriartuiffiusunillu sungiusarnermik misigisaqarnissaat tapersersorsinnaassallugu.
